Athugasemd send

Búinn að senda athugasemd til Kópavogsbæjar þar sem ég fer fram á að samskiptareglur verði settar um samskipti menntastofnana við trúfélög og stjórnmálaflokka. Ég vil ekki að söguskoðun einhvers prests sé innprentuð í börnin mín frekar en ég vilji að stjórnmálamaður innprenti söguskoðun í börnin mín. Það eiga að gilda sömu reglur um þessi fyrirbæri sem eru sama grein á sama tré. (Sjá líka http://joi.betra.is/?p=1549)
mbl.is Samskiptareglur við trúfélög ekki á dagskrá
Tilkynna um óviðeigandi tengingu við frétt

Hér gleymir Mogginn að nefna

Mogginn gleymir í upptalningu sinni viðbrögðum múslima eftir árásina á kirkjuna um jólin, þar sem múslimar komu þúsundum saman í kirkjurnar og fyrir utan þær og mynduðu mannlegan skjöld utan um þær og sýndu samhug með kristnum. Sjá nánar Egypt's Muslims attend Coptic Christmas mass, serving as "human shields".
mbl.is Átök milli múslíma og kristinna í Kaíró
Tilkynna um óviðeigandi tengingu við frétt

Ekki gleyma því að tippa

Tippleikur í gangi að sjálfsögðu, frír og auglýsingalaus fyrir vinahópa og vinnuhópa sem vilja. Glæðir áhuga á ótrúlegustu leikjum, maður fylgist með úrslitum Túnis-Alsír í handbolta ef maður veit að rétt úrslit geta skilað manni sjálfum stigum. Slóðin er http://leikir.betra.is/
mbl.is HM í handbolta á netinu
Tilkynna um óviðeigandi tengingu við frétt

Nei!

Þetta yrðu hrikaleg mistök af hálfu Wednesday. Frammistaða hans hjá West Ham er svo sorglega grátleg að Shakespeare myndi skammast sín fyrir tilfinningaklám. Wednesday er þegar gjaldþrota, þarf síst á öllu að halda manni sem kann ekki að fara með peninga.
mbl.is Eggert sagður í viðræðum vð Sheffield Wednesday
Tilkynna um óviðeigandi tengingu við frétt

Misskilningur Gunnars

Gunnar Ingi Birgisson er meðal þeirra frambjóðenda í prófkjörum Sjálfstæðis- og Framsóknarflokks sem rita greinarkorn í Kópavogspóstinn, dagsettann 11. febrúar 2010. Þar staðfestir hann enn og aftur skekkta sýn sína á skipulagsmál. Látum Gunnar eiga orðið (stafrétt):
Ekki liggur fyrir enn endanlegt skipulag vestast á Kársnesi og á Nónhæð. Ljóst er að leiða þarf þau mál til lykta í samráði við íbúða þessara svæða en nokkur ágreiningur hefur verið á milli byggingaraðila og íbúa á þessum svæðum.

Hérna afhjúpar hann grundvallarmisskilning sinn. Skipulagið hefur legið fyrir í fjölda ára, og það er samkvæmt því sem hundruð og þúsundir íbúa hafa valið sér þarna heimili.

Breytingin er sú að utanaðkomandi aðilar, hér nefndir byggingaraðilar, hafa ákveðið að byggja sér þarna féþúfur. Með því að fá skipulaginu breytt verða féþúfurnar stærri en ella, þetta er ástæðan fyrir því að Kristján Snorrason verktaki (KS-verktakar) vill fá að byggja blokkarhverfi á svæði á stærð við fótboltavöll efst á nónhæð, og koma þar fyrir 700 manns.

Sem núverandi eigandi landsins vill því þessi einstaklingur troða fótum hagsmuni íbúa Nónhæðar og nágranna þeirra, bæði í Kópavogi og Garðabæ. Sem verktaki sjálfur er Gunnar fullur samúðar í garð Kristjáns og því eru íbúar orðnir hindrun í vegi verktakans.

Vilji tveggja manna á því að umbreyta heilu hverfi sem þykir afar vel heppnað með blandaða byggð. Byggðin er lágreist efst á hæðinni en hærri neðst í dalnum. Þannig skyggir enginn á annan svo að mikill ami stafi af. Breytingin sem Kristján vill fá í gegn mun ekki aðeins sökkva nágrönnum hverfisins í skuggaborg allt árið í kring, og þar kemur þetta verst við leikskólann sem mun aðeins njóta sólar í lok dags, heldur einnig hafa mikil áhrif á nærstadda þjónustu.

Sjálfur var ég í þrjú ár á biðlista með að fá heimilislækni á heilsugæslustöð hverfisins, hvernig 700 íbúar eiga að geta gengið þar inn hikstalaust á ég erfitt með að sjá. Smáraskóli er loks nú að losa kennslu úr tréskúrum á lóð sinni, þeir færu strax í notkun við þetta.

Íbúasamtökin Betri Nónhæð hafa fjallað ítarlega um þetta. Viðmótið frá Gunnari hefur ávallt verið fjandsamlegt og á fundi með honum spurði hann hvað við vildum í staðinn á landið, tillaga hans var að byggja þar fangelsi í staðinn!

Gunnar hefur komið götum og holræsum og mörgum nýframkvæmdum Kópavogs í gott horf, en verktakagenið í honum er of sterkt til að okkur sé óhætt að hafa hann í valdastöðu á meðan að verktakinn hefur alltaf rétt fyrir sér í hans huga.

Byggingaraðilinn hefur aðeins þann rétt sem skipulagið veitir honum, aðilar sem vilja láta breyta skipulaginu til að maka eigin krók og ganga um leið á rétt hundruða og þúsunda íbúa mega sitja heima frekar en að mæta á fund Gunnars og reyna þar að semja um nýtt skipulag.

Takk Gunnar, en bless. 


Þessi frétt er frá 2005

Þessi frétt birtist líka á DV, þar setti ég inn comment um að fréttin sé 4 ára gömul, síðan 2005.

 http://news.bbc.co.uk/2/hi/uk_news/england/manchester/4351490.stm

 Þeir eyddu færslunni minni út þar sýnist mér, spurning hvað mogginn gerir.

 Þessi frétt er sumsé 4 ára gömul, en dúkkaði upp í "Most Read" hlutanum hjá BBC og "fréttamenn" DV.is og Mbl.is bara gera copy/paste án þess að kynna sér málið frekar


mbl.is Klósettslanga loks handsömuð
Tilkynna um óviðeigandi tengingu við frétt

Af hverju ekki að leiðrétta fyrir alvöru í stað skítareddinga?

Eins og sjá má í síðustu færslu minni ætti Norðvestur að missa þrjá þingmenn og fara niður í 6, um leið ætti Suðvestur að fara í 16 þingmenn.

Nánari útreikningar hér.


mbl.is Misvægi minnkað næst
Tilkynna um óviðeigandi tengingu við frétt

Kjördæmasvindlið

Í fyrsta lagi þá er engin eftirsjá að Sigurði Kára.

Í öðru lagi þá er kjördæmaskiptingin galin. Norðvesturland hefur tvöfalt atkvæðavægi á við okkur í Suðvestur (Kraganum).

Tölurnar eru sumsé þessar:

KjördæmiKjörskráÞingmennatkv/þingmennvægi
Rvk N437841139801,2
Rvk S437481139771,2
SV582031248501,0
NV21294923662,0
NA283621028361,7
Su325051032511,5

Þarna fær sumsé lægsta gildið vægið 1 og svo hin reiknuð út frá því.

Til að laga þetta þannig að við förum nær því að ná 1 maður 1 atkvæði þá yrði þingmannaskiptingin svona:

KjördæmiÞingmennBreyting
Rvk N12+1
Rvk S12+1
SV16+4
NV6-3
NA8-2
Su9-1

Ef landið væri allt eitt kjördæmi þá hefðu úrslit kosninganna orðið aðeins öðruvísi:

(breytt, auð og ógild atkvæði tekin út úr útreikningi)

ListiAtkvæðiÞingmennÚtreikningurÞingmenn  Breyting
      
B2766999,319 0
D443691614,9315 -1
F414801,401
 +1
O1351944,555 +1
P110700,370
 0
S557582018,7719 -1
V405801413,6614 0

Þarna koma sumsé jöfnunarmenn inn í eftirfarandi röð:

Sjálfstæðisflokkur,  Samfylkingin, Borgarahreyfingin.

"Turnarnir þrír" græddu því mest á atkvæðamisvæginu og litlu flokkarnir fóru verst út úr því. Þetta sýnir að 5% jöfnunarreglan er bull sem hyglar hinum stóru en ekki þeim litlu eins og það var auglýst þegar lögin voru sett og sumir reyna að halda fram.

 Fyrri færsla sýndi þingmannatölur ef að auðir og ógildir hefðu verið inni í útreikningum, samkvæmt þeim fengju Lýðræðishreyfingin og Frjálslyndi flokkurinn aukaþingmann hvor í staðinn fyrir þingmann Samfylkingar og Vinstri grænna.


mbl.is Sigurður Kári í sömu sporum og Mörður Árnason var
Tilkynna um óviðeigandi tengingu við frétt

Ekki XD í þetta sinn

Kíkti á kosningakompás mbl.is:

Flokkur Samsvörun
Borgarahreyfingin (O) 87%
Vinstrihreyfingin - grænt framboð (V) 83%
Samfylkingin (S) 78%
Lýðræðishreyfingin (P) 78%
Frjálslyndi flokkurinn (F) 76%
Framsóknarflokkur (B) 72%
Sjálfstæðisflokkur (D) 58%

 

Það er eins og mig grunaði, núverandi forysta og stefna Sjálfstæðisflokksins höfðar ekki mikið til mín. Sem stendur er Borgarahreyfingin líklegust til að fá mitt atkvæði.

Líkt og aðrir Sjálfstæðismenn með bein í nefinu ætla ég ekki að veita honum brautargengi í núverandi mynd. Fátt er hollara en góð lexía, Sjálfstæðisflokkurinn og forystusveit hans á inni stóra lexíu.


Næsta síða »

Um bloggið

Jóhannes Birgir Jensson

Höfundur

Jóhannes Birgir Jensson
Jóhannes Birgir Jensson

Bloggvinir

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (28.3.): 0
  • Sl. sólarhring:
  • Sl. viku:
  • Frá upphafi: 0

Annað

  • Innlit í dag: 0
  • Innlit sl. viku:
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband